Книга дня: «Бухатыыр ата: Олоҥхоттон»
19.07.2021

Представляем вниманию читателей отрывок из книги «Конь богатыря», знакомящей с фрагментом из олонхо «Ньургун Боотур» одного из основоположников якутской литературы Платона Алексеевича Ойунского. В издании представлены иллюстрации художника-графика Марии Рахлеевой.

Отрывок из книги:

«Ама дуо, доҕор,

Ат ааттаҕа барахсан,

Дьулусханнаах дьулуо маҕан халлаан

Дьураатыгар тура төрөөбүт

Дьулусхан субуйа сүүрүк

Дьураа хара ат баара

Тэпсэҥэлии турбата,

Тэһииккэй соҕус майгыланан,

Тэйигэс соҕус быһыыланан,

Ыйылыы түһэн баран

Ырыалаах ох курдук

Ыстанан кэбситэҕэ...

Оҕо барахсан икки кулгааҕын тыаһа

Орулуос кус кынатын тыаһын курдук

Өрө куһугуруу түстэ,

Дохсун соноҕос

Тоҥ күөнүнэн

Тоҕус дохсун холоругу

Тоҕо ытыйан,

Түөрт түөрэм таас туйаҕынан

Түөрт түллэр өлүү сататын

Дэриэспэ таас курдук

Дэлби тэбэн,

Үөрбэ чаҕаан көҕүлэ

Өрө ытылынна,

Сэттэ былас тибиилээх сиэлэ

Саталаах былыт курдук

Сарбайа сахсылынна,

Буруо курдук

Бурҕаҥныы түстэ,

Тоҕус былас оҥочо уот кутуруга

Дохсун кутаа уоту

Тоҕо ытыйбыт курдук

Сиэрэ күөх уотунан

Сирдьигинии түстэ...»


Источник: Бухатыыр ата: Олоҥхоттон. Кыра саастаах оҕолорго. / М. Рахлеева уруhуйдара. – Якутскай: Кинигэ изд-вота, 1980. – 16 с., ил.


Конь богатыря: из олонхо. Для детей дошкольного возраста. Якутское книжное издательство, 1980.